Дэлгүүр
Дэлгүүрийн үйл ажиллагаа эрхэлдэг хэрэглэгчиддээ зориулан чат буюу мессенжерээр бараа бүтээгдэхүүнээ сагслан худалдаалах боломжтой шинэ функцыг чатбот.мн платформд нэвтрүүллээ.
Дэлгэцийн зүүн талд харагдах цэс дунд дэлгүүр гэж байх ба дэлгүүр дээр дарснаар өөрийн дэлгүүрээ үүсгэх боломжтой талбар гарч ирнэ.
Дэлгүүр цэс дээр дарснаар дараах дэлгүүр холбох гэсэн цонх үүсэх ба өөрийн ашиглах дэлгүүрийн нэрийг оруулан дэлгүүр үүсгэх товч дээр дарна.
Дэлгүүр үүсгэх товч дээр дарснаар бараа бүтээгдэхүүнээ байршуулах, тохируулах боломжтой шинэ хуудас руу шилжих болно.
Дэлгүүрийн мэдээлэл засах болон тохиргоон дээр дарж дэлгүүрийн ерөнхий мэдээлэл, хаяг байршил болон хэрэглэгчид харагдах дэлгэрэнгүй мэдээллүүдийг оруулна.
Дэлгүүрийн лого оруулах
Choose File товч дээр дарж, дэлгүүрийн логог татаж оруулна.
Хэрвээ таны дэлгүүр тусгай тэмдэгт ашигладаг бол тусгай тэмдэгт дээрх Choose File-г дарж, зургийг татаж оруулна.
Ерөнхий мэдээлэл оруулах
Дэлгүүрийн ерөнхий мэдээллийг бөглөж оруулна.
Оруулах мэдээлэл: - И-мэйл хаяг - Утасны дугаар - Товч танилцуулга - Дэлгүүрийн дэлгэрэнгүй хаяг буюу олон нийтийн мэддэг хаяг - Хот/ Аймаг - Дүүрэг / Сум - Хороо / Баг - Байгууллага / Хувь хүн эсэх
Төлбөрийн нөхцөлийг тохируулах
Дэлгүүр цэсийн нэгэн давуу тал нь төлбөрөө олон хэлбэрээр хүлээн авах боломжтой юм. Төлбөрийг QPAY & SocialPay ашиглан хүлээн авахаас гадна дансаар болон бэлнээр төлөх сонголтыг нэмж оруулж өгөх боломжтой.
QPAY (унших) болон SocialPay (унших) холболт хийх зааврыг хаалтан дахь үг дээр дарж харна уу.
Хүргэлтийн нөхцөлийг тохируулах
Хүргэлтийн нөхцөл болон төлбөр, хүргэлт үнэгүй болох мөнгөн дүнг оруулна.
Анхаарах зүйл: Хүргэлтийн дүнг оруулахдаа тэмдэг буюу $, ₮ г.м тэмдэгтийг ашиглавал тохиргоо цэс хадгалахад алдаа заах болно.
Дэлгүүрийн мэдээллийг бүрэн оруулсны дараа Home цэс дээр дарж, төлбөрийн тохиргоо хийнэ.
Хэрвээ та анх удаа чатботоор захиалга, дансаа холбож байгаа бол танд дараах цонх нээгдэнэ.
QPAY (унших) болон SocialPay (унших) холболт хийх зааврыг хаалтан дахь үг дээр дарж харна уу. QPAY болон SocialPay холболтуудыг хийсний дараа дэлгүүр цэс рүү ороход таны төлбөрийн тохиргоо хийгдсэн байх болно.
Барааг нэмэхээсээ өмнө барааны ангилал үүсгэх хэрэгтэй ба цэснээс ангиллыг сонгоно.
Ангилал нэмэх товч дээр дарж, ангилал үүсгэх цонхыг нээнэ.
- Ангилал нь дотроо үндсэн ангилал болон дэд ангилал гэж байх ба та өөрийн бараа, бүтээгдэхүүнээс хамааран ангиллын нэрийг үүсгэх хэрэгтэй. Жишээ нь: Эрэгтэй хувцас нь үндсэн ангилал бол дэд ангилал эрэгтэй гутал гэх мэт. - Ангиллын код нь давхардахгүй байх ба нэг оруулсан ангиллын кодыг өөрчлөх боломжгүйг анхаарна уу. - Тайлбар хэсэгт та тухайн ангиллын дэлгэрэнгүй болон товч тайлбарыг оруулах боломжтой.
Хэдэн ч ангилал нэмэх боломжтой ба та өөрийн бараа, бүтээгдэхүүнд тохируулан барааны ангиллыг удирдах боломжтой.
Барааны ангиллыг тохируулсны дараагаар Home цэс дээрх бараа болон бараа нэмэх дээр дарж, бүтээгдэхүүнийн байршуулах үйлдлийг хийнэ.
Бараа оруулахдаа бараа нэмэх товч дээр дарна.
Барааны мэдээллийг харгалзах нүднүүдэд бичиж оруулна.
- Барааны нэр: Тухайн барааны нэрийг оруулна. - Барааны товч тайлбар: Хэрэглэгчид харагдах товч тайлбарыг оруулна. - Барааны дэлгэрэнгүй мэдээлэл: Тухайн бүтээгдэхүүн дээр дарж ороход харагдах мэдээллийг оруулна.
- Барааны жин: Барааны жинг грамм гэсэн хэмжигдэхүүнээр оруулах ба зөвхөн тоо бичигдэхийг анхаарна уу. (гр, кг гэсэн үсгэн тэмдэглэгээ орохгүй) - Барааны зураг: Хэрэглэгчид харагдах барааны зургийг оруулна. Зургийн багтаамж 5MB-аас хэтрэхгүй, JPEG, JPG, PNG өргөтгөлтэй зураг оруулна. - Дэлгэрэнгүй зураг: Хэрэглэгч бараан дээр дарж ороход, тухайн барааг олон талаас харуулах боломжтой. Зургийн багтаамж 5MB-аас хэтрэхгүй, JPEG, JPG, PNG өргөтгөлтэй зураг оруулна. 5 хүртэлх зургийг оруулах боломжтой.
Үнийн мэдээлэл
Үнийн мэдээллийн хэсэгт хэрэглэгчид харагдах үнэ болон хямдралтай үнэ мөн бөөний үнийн мэдээллийг тус бүр оруулах боломжтой. - Сайтаар зарагдах үнэ: Бүтээгдэхүүний зарагдаг үнийг бичнэ. - Харьцуулах үнэ: Хэрвээ тухайн бүтээгдэхүүн хямдрал зарласан бол хямдралын үнэ, шинэчлэгдсэн үнийг оруулна. - Үнийг бичихдээ зөвхөн тоо оруулахыг анхаарна уу. (₮, $ гэх мэт тэмдэглэгээг бичихгүй)
Хэрвээ та бөөнөөр бүтээгдэхүүнээ борлуулах хүсэлтэй бөөний үнийг тохируулж өгөх боломжтой. - Доод ширхэг гэдэгт бөөний үнэ бодогдох бүтээгдэхүүний тоо ширхэгийг зааж өгнө. - Бөөний үнийг оруулна. Үнийг бичихдээ зөвхөн тоо оруулахыг анхаарна уу. (₮, $ гэх мэт тэмдэглэгээг бичихгүй) - 2 хүртэлх төрлийн бөөний үнийг оруулах боломжтой.
Барааны код, үлдэгдэл тооцох
Барааны код: Та өөрийн ашигладаг барааны кодыг оруулах, эсвэл тухайн бүтээгдэхүүн дээр байх баркодыг оруулах боломжтой.
Барааны үлдэгдэл тооцох эсэхээ сонгоно. Хэрвээ үлдэгдэл тооцох бол тухайн барааны тоо хэмжээг оруулна.
Бараа буцаах / солих
Барааг буцаах эсвэл солих боломжтой тохиргоог сонгоно.
Барааны сонголт
Таны бараа бүтээгдэхүүн нь өнгө, хэмжээ зэрэг сонголттой худалдаалах боломжтой бол сонголт нэмэх товч дээр дарж, сонголтын мэдээллийг оруулна.
Сонголтын төрлийг дээд тал нь 3 төрлийн сонголт нэмэх боломжтой. - Сонголтын нэрийг өөрийн хүссэнээр өгөх боломжтой. - Зарагдах үнэ, бөөний үнийг тохируулна.
Тухайн барааны ангиллыг тохируулах
Тухайн барааг хадгалахын өмнө бүтээгдэхүүний ангиллыг сонгож өгнө. Мөн үйлдвэрлэгдсэн улсын нэрийг оруулах боломжтой.
Барааны мэдээллийг оруулж дууссаны дараа дэлгэцийн баруун дээд талд харагдах хадгалах товч дээр дарснаар бараа хадгалагдана.
Цэс дунд байрлах бараа гэсэн товч дээр дарснаар нийт оруулсан бүтээгдэхүүнийг харна.
Нийт оруулсан барааны харагдах байдал
Дэлгүүрийг хэрэглэгчдэд харуулахын тулд тухайн блокын товч дээр динамик утгаас дэлгүүр гэсэн сонголтыг дуудаж өгнө.
Дэлгүүрийн хэрэглэгч талд харагдах хэлбэр
