Chatbot.mn танилцуулга

Чатбот ХХК нь 2019 оны 4-р сард Андууд Лаб ХХК - ны охин компаниар үүсгэн байгуулагдсан бөгөөд дотоодын бизнесүүдэд харилцагчийн үйлчилгээ болон маркетинг борлуулалтыг илүү үр дүнтэй, бага зардлаар, хурдан шуурхай явуулах боломжийг олгохын тулд Хиймэл оюун, Машин Сургалт зэрэг технологийн шийдлийг ашиглан ухаалаг автомат хариулагч буюу чатбот бүтээх боломжтой талбарыг (platform) бүтээхээр зорин ажиллаж байна.
Тэгвэл chatbot.mn гэх платформ яг ямар зорилготой вэ? 
Юуны өмнө Chatbot /Чатбот/ гэдгийг товч тайлбарлая. Чатбот гэдэг нь цахим сувгийн хэрэглэгчтэй харилцах үйлчилгээнд зориулагдсан автомат хариулагч юм. 
Бидний өдөр тутамдаа хэрэглэж буй Фэйсбүүкийн Мессенжер чат үйлчилгээ 2016 онд хамгийн анх чатбот дэмждэг болсон нь бизнесүүдэд борлуулалтаа өсгөх, хэрэглэгчидтэйгээ илүү ойр ажиллах нэгэн том үүд хаалгыг нээсэн.
Гэхдээ нэг дутагдал байсан нь программчлалын мэдлэггүй хэрэглэгч чатбот бүтээхэд тун хүндрэлтэй байв. Үүнийг шийдэхээр АНУ гэх зэрэг оронд ямар нэг программын хэлний мэдлэг шаардахгүйгээр тун хялбараар чатбот хийж болдог платформууд үүссэн. Гэхдээ энэ нь Монголчуудын хувьд бас л нэг дутагдалтай байсан нь Монгол хэл таних чадвар нь байлаа. Яг энэхүү асуудлыг шийдэхээр Андууд Лаб компанийн баг хамт олон удаан хугацааны туршид хэл бичгийн эрдэмтэдтэй хамтран хиймэл оюун ухаан тэргүүтэй сүүлийн үеийн технологийг ашиглан chatbot.mn талбарыг бүтээсэн түүхтэй.
​https://www.facebook.com/Chatbot.mn/videos/380815899223634/​
Өдгөө бизнес эрхлэгч та chatbot.mn-ийг ашиглан хэрэглэгчийн асуултыг ойлгодог, төлбөр хүлээн авдаг, хэрэглэгчийн зан төлөв дээр тулгуурлан суралцдаг чатботыг үнэ төлбөргүй хийх боломжтой. Хамгийн гол нь таниас ямар нэг программчлалын чадвар шаардахгүй. 
Чатботтой болсноор таны бизнест дараах давуу талууд бий болно.
1.
Мессенжерээр орж ирсэн харилцагч бүртэй тулж ажиллана. Чатбот нь цаг хугацаа, орон зайнаас үл хамааран 24 цагийн туршид танай мессенжер сувгаар орж байгаа хэрэглэгчдийн асуултанд автоматаар хариулдаг. Завгүйгээс болоод боломжит худалдан авагчийг алддаг цаг ард хоцорчээ.
2.
Зардал багасна. Ялангуяа таны бизнесийн Фэйсбүүк хуудсанд өдөрт олон чат асуулт ирдэг бол түүнд хариулах гэж тодорхой цагаа зарцуулдаг нь ойлгомжтой. Зарим тохиолдолд зөвхөн чатанд хариулахаар ажилтан цалинжуулдаг ч байж болох юм. Тэгвэл чатботтой болсноор энэ бүх асуудал үгүй болж улмаар зардал багасна.
3.
Цаг хугацаа хэмнэнэ. Нэг хариултаа олон удаа хариулж бичиж цагаа үрэх нь бизнесийн салбар хурдацтай өсөж буй энэ цаг үед тун буруу зүйл юм. Чатанд хариулах цагаа бизнесийн шинэ харилцагч олох, үйл ажиллагаагаа тэлэх зэрэгт зарцуулах хэрэгтэй. 
4.
Борлуулалтын сэжим хялбар үүсгэх боломжтой. Чатбот нь мессенжер сувгаар танай байгууллагын үйлчилгээнд холбогдож байгаа үйлчлүүлэгч бүрийг бүртгэн авч ямар асуулт асуусан, ямар бүтээгдэхүүн сонирхсон зэрэг бүх мэдээллийг бүртгэх боломжтой тул тухайн үйлчлүүлэгчид тохирсон бараа үйлчилгээг санал болгох боломжтой юм.
5.
Төлбөр тооцоо авах боломжтой. chatbot.mn нь харилцагчийн үйлчилгээг автоматжуулж өгөхөөс гадна хэрэглэгчийн төлбөрийг мессенжер тодроос QPay, SocialPay төлбөрийн системийн QR код үүсгэн хүссэн банкны аппликэйшнээр төлүүлэх боломжтой.
6.
Харилцагчаа халамжлах боломжтой. Мессенжер чатботоор дамжин өмнө нь худалдан авалт болон үйлчилгээ авсан харилцагчиддаа хүссэн үедээ хямдрал урамшуулал болон хэрэгцээт мэдээллийг чатботоор дамжуулан хүргэх боломжтой.
​
​

Системд бүртгүүлэх, нэвтрэх

Last modified 2mo ago

Copy link